اصرخى يامصر

اصرخى يابلدى .....اصرخى يامصر

اصرخى واكتبى حروفك بدم شهيدك

لونيه من وجعك وألمك

ايوه عارف أنك حزينه

طيب حزينه أوى كده ليه

ماانتى ياما عدى عليكى انجليز وعثمان والمان

وانتى من زمان

بيخنقوقى ..بيوجعوكى

وانتى بتتحملى وتقولى

بكره هايطلع فجر جديد

دلوقت ليه بتبكى

ودموعك على خدك بتجرى

ولا علشان اللى ظلمك وجرحك

واحد شرب من نيلك

طلع خاين خسيس جبان

باع ارضك ودبح ولادك

ولطخ توبك بدم شهيدك

متزعليش يامه ...متزعليش لسه ولادك باقيين

وفى الميدان لسه موجودين

بينادوا بالحق وواخدين

علمك وبروح الشهيد ماشين

بيهتفوا باسمك هاتعيشى يابلدى

هاتعيشى يامصر

هاتعيشى رغم انف الحاقدين