حكاية الجده

لميت ولادى

وولاد الحته

احكى لهم حكايه

واقوم بدور الجده

حكاية شباب طلعوا

ولايهمهم جته

دول شباب مصر الشجعان

ورجالة بلدى الجدعان

صرخوا وسط الميدان

كلامهم يعجز عن وصفه لسان

خطوتهم ثابته رجت المكان

ضيعت الخوف من الظلم اللى كان

سكتنا كتير زمان

بس خلاص الوقت حان

احنا شبابك يامصر فى كل وقت واوان

جينا نحاسب كل ظالم ضيع الامان

نطالب بحقوقنا فى ميدان التحرير

وعلشانك قلبناها ثورة للتغيير

دا حق كل مصرى فى التعبير

ونرفع رايه لاتخريب ولا تدمير

ولايهمنا دم يسيل

اصل الشهداء كتير

بينادوا يااهل بلدى

دى بلدنا كلها خير

لكن الخير مكنش لينا

والخوف جوانا مالينا

شايفين الحق ضايع ومغمين عنينا

بس خلاص الشباب قال كلمته

والحق هايرجع إلينا

ومصر من تانى بقيت حضننا وهمسنا وليالينا