بمسى عليكِ يامصر
بمسى عليك يا بلدى يامصر
ياارض الكنانة ومهد الديانة
ياصاحبة رسالة فى قلبى أمانة
ياحلم الطفولة وأرض البطولة
بحبك يامصر
بمسى ع الشباب
اللى دايما طفشان
مش قادر يعيش
وحاله عدمان
مش لاقى اللضا
مع إن غيره
آل ساكن فى قصر .. يرضيكى يامصر!!!!
بمسى ع الحبيبه
ال بيعاكسوا العيون السود
والضحك من غير حدود
يغنوا على بعضهم
ال بيلحنوا على عود
يعنى خلاص خلصت مشاكله وبقى الواد أخر العنقود
معقوله ...هم دول شبابك يامصر
بمسى على ناس الفيس بوك
اللى كلامهم واساميهم مستعارة
وحوار من غير لزوم
ومن غير عبارة
كله بيرغى ويتكلم ولا ورشة نجاره
ال البت فى إعلام وهى ساقطة دبلوم تجارة
والواد دكتور وهو شغال فى عمارة
هو جرى ايه يامصر!!!
بمسى ع الفلاح
اللى بيزرع خضار
ويقوم م الفجريه
يسعى مع الحمار
ولا يهمه الهجير
ولايهمة الغبار
وبيقضّى يومه
شايل همومه
فداكِ يامصر
بمسى ع المدرس
اللى بيقول مستور
و مش معاه حق حنطور
رافع راسه ال كبرياء وغرور
ياعم روح دا أنت عايش الدور
وكله علشانك يامصر
بمسى على العامل فى طريقى
غلبان وبغنيله لما نشف ريقى
ياعم حس بيه وانت بتعدى
ماانا عارف أن غناويه على قدى
ودا ابنك يامصر
ليست هناك تعليقات:
إرسال تعليق