بعد ما مرت من عمرى سنين
بعد ما مرت ليالي من الم وحنين
بعد ما سلمت امري
للي كان مكتوب ف عمري
بالدموع ويا الأنين
بعد ما خلصت شجوني
كل ليلة من جنوني
لقيته جاى يبتسم من بعيد
جاى و معاه حلم الأماني
يكتب حروفي بالأغاني
يكتب ليه معاه عمر تاني
و يقول خلاص مفيش بعد النهارده دموع
انا جاى و ف إيدى الشموع
و عالشفايف بسمة حلوة
و بيناديني بأحلى غنوة
و فرد بساط الاحلام
لكن جوايه كان خايف
من سحاب بعيد شايف
مارد فراق فارد جناح
بيحجب الأمل اللى بيشاور و لاح
و رجعت اشوفه من تانى
ما لقيته واقف ادام بابى
أتاريه طيف و كان فايت
يضحك عالأمل اللي بايت
جوه الضلوع و الشوق
ينهش في وجداني
يا خسارة الأحلام
راحت قوام
و رجعت من تانى لآلامي
ليست هناك تعليقات:
إرسال تعليق