لغاية امتى يامصر هاتلبسى السواد
لغاية امتى هاتعلنى الحداد
على اللى راح واللى جاى واللى مات
دا القلب تعب من كتر الاحزان
هانعى مين ولا مين
هو دمك رخيص للدرجه دى يامصريين
دا حتى فى القرآن قالوا
دم المسلم على المسلم حرام
وانتوا نزلين دبخ رقاب
وتقطيع قلوب امهات
تيتم اعمار اطفال
والله دا حرام
محمد سلم على ابوه وقاله متخفش انا راجع
بس مرجعش
غير فى صندوق ملفوف بعلم وطنه
احمد كان شايل امه وابوه
وكانوا بيتمنوا يشفوه
شافوه ملفوف بعلم وطنه
طيب واخرتها ايه
ولادك واحد ورا واحد بيتحصدوا
والتمن ايه يامسلمين
اوعوا تقولوا شرعيه
الشرع بيقول دم المسلم على المسلم حرام
لغاية امتى يامصر هاتلبسى السواد
ليست هناك تعليقات:
إرسال تعليق