اصرخي
يا بلدي......اصرخي يا مصر
اصرخي
واكتبي حروفك بدم شهيدك
لونية
من وجعك وألمك
ايوه
عارف أنك حزينة
طيب
حزينة اوى كده ليه
ما انتى
ياما عدى عليكى انجليز وعثمان وألمان
وانتى
من زمان
بيخنقوكى.....بيوجعوكى
وبتتحملى
وتقولي
بكره
ها يطلع فجر جديد
دلوقت
ليه بتبكى
ودموعك
على خدك بتجرى
ولا
علشان اللى ظلمك وجرحك
واحد
شرب من نيلك
طلع
خاين خسيس جبان
باع
ارضك ودبح ولادك
ولطخ
توبك بدم شهدائك
متذعليش
لسه ولادك باقيين
وفى
الميادين واقفين
بينادوا
بالحق وواخدين
علمك
وبروح الشهيد ماشيين
بيهتفوا
باسمك هاتعيشى يابلدى
هاتعيشى
رغم انف الحاقدين
هناك تعليق واحد:
رائعه شاعرتى العظيمه بنت مصر الجميله ثائره كعادتك نهرر هادر بحب مصر اسعدتنا كلماتك
إرسال تعليق