طب ليه

أمى

لما بحب

بستان الهنا

محروسة يامة

حكاية عاشقة

بحبك يامصر

مره كنت ماشيه ولقيت فانوس

فرحت ودعكته طلعلى منه عفريت محبوس

قلتله يا عفريت أنا بطلباتى هاهريك واوريك

ضحك العفريت وقالى ياانسان 

دانا عفريت بن جان

لا يهمنى مكان ولا زمان

اطلب اللى عايزه و معايا مليون برهان

رديت عليه وقلت

عايز الحب يملى بلدي مصر

وناس تبطل غش وفشر

وحكومة تحس بالناس ومش تعصر حياتنا عصر

عايز أعيش بدون زحمه وطوابير

واسمع عن انتخابات بدون غش وتزوير

وحكومة تقتصد وتبطل تبذير

بحلم في بيتي كيلو دقيق

وأسباب مقنعه لاى تفجير وحريق

ومجلس شورى وشعب يصحى ويبطل تصفيق

يا سلام كمان لو فى كأس العالم لينا مكان وفريق

والضحكة ترجع بينا تانى

وسهرة جميله مع حتة لحمه كندوز او ضانى

وكورنيش نمشى عليه انا وخلاني

ضحك العفريت وقالى

 يا بنتى  عندك شباب مصر

شباب كل اوان وكل عصر

طالبوا بالتغيير علشان تعيش فى قصر

مستعدين للعشم

ينقلوا لك  الهرم

ويسدوا الأوزون اللي أتخرم

ويعملوا جنه من العدم

و حصان من الغنم

يلا تعالى نشوف التغيير الملموس

من الشباب قوى النفوس

صاحب تخطيط  مبنى ومدروس

وسيبنى اقدم تحيه لشباب مصر وارجع  للفانوس

 

يلا ادامك طريق بالورد مفروش

بدل ماتتبهدل وتبقى متعوس

وقول بحبك يامصر وحبك فى القلب محسوس 

بحبك يامصر .......بحبك يامصر